დღეს, 3 ივლისს, ერთიანი ეროვნული გამოცდები დაიწყო.
აბიტურიენტები დღეს გამოცდას ქართულ ენასა და ლიტერატურაში აბარებენ.
გამოცდების ცენტრის ინფორმაციით, პირველ გამოცდაზე 9 ათასამდე აბიტურიენტი უნდა მისულიყო.
ამავე წყაროს ცნობით, გამოცდაზე დაგვიანების ერთი შემთხვევა დაფიქსირდა.
ქვეყნის მასშტაბით გახსნილია 24 საგამოცდო ცენტრი. ცენტრის ინფორმაციით, საგამოცდო ცენტრები აღჭურვილია კონდიცირების სისტემით.
მეორე სესია 14:00 საათზე დაიწყება.
ეროვნული გამოცდები 26 ივლისის ჩათვლით გაგრძელდება.
___
ფოტო: აბიტურიენტები ბათუმის პირველ საჯარო სკოლასთან
