ესპანეთის მთავარი მწვრთნელი ლუის დე ლა ფუენტე ევროპის ჩემპიონატზე საქართველოს ნაკრებთან მოახლოებულ მატჩს გამოეხმაურა. მისი კომენტარი ესპანურ მედიაში ვრცელდება.
„ჩვენ მათ მაქსიმალურ პატივს ვცემთ. ეს არის გუნდი, რომელიც შესანიშნავად ატარებს ტურნირს და რომელმაც დაამარცხა პორტუგალია… ჩვენი გამოცდილებიდან გამომდინარე, ჩვენ ვხედავთ, რომ ისინი იხვეწებიან, უმჯობესდებიან და პროგრესირებენ. ჩვენ მოგვიწევს ჩვენი საუკეთესო ვერსია ვაჩვენოთ, რომ გვქონდეს გასვლის შანსი.
…ჩვენ ვნახეთ, რომ მათ გარკვეულწილად შეცვალეს სისტემა, მაგრამ არა იდეა, რაც მათ აქვთ მოთამაშეებით, რომლებიც ძალიან სწრაფად გადადიან თავდაცვიდან თავდასხმაზე და პირიქით. ჩვენ ძალიან ფრთხილად ყოფნა მოგვიწევს. მატჩებში მონაწილეობის გამოცდილება და კვალიფიკაციაში თავდაჯერება, ასევე, მოტივაცია, რომელიც პორტუგალიის დამარცხების შემდეგ გაუჩნდათ, მათ უფრო საშიშს ხდის“ – განაცხადა დე ლა ფუენტემ.
საქართველომ 26 ივნისს ევროპის ჩემპიონატზე დაამარცხა პორტუგალიის ნაკრები და მერვედფინალში გადავიდა.
შემდეგ ეტაპზე საქართველოს ნაკრების მეტოქე ტურნირის ფავორიტი, ესპანეთის ნაკრები იქნება.
მატჩი 30 ივნისს, კვირას, 23 საათზე გაიმართება.
_____________________
ფოტო: CNN
