„მწვანე კონცხი ბოტანიკო“, ზღვისპირა სახლის კომპლექსი ბათუმის ბოტანიკური ბაღიდან მხოლოდ 2 წუთის ფეხის სავალზე, მცხოვრებლებსა და გარე სტუმრებს ახალ კაფეს, „ბოტანიკოს“ სთავაზობს, რომელიც ქართულ და ევროპულ კერძებს აერთიანებს.
იმისთვის, რომ სტუმრებმა ბოლომდე შეიგრძნონ ავთენტური ქართული და, ამავდროულად, ევროპული გემოები, „სილქ ჰოსფითალითის” ბრენდშეფმა, ირაკლი ასათიანმა და მისმა გუნდმა სპეციალური მენიუ მოამზადეს. ამასთან, აქ დაგხვდებათ წინანდლის მამულის ღვინის ფართო არჩევანი და საავტორო კოქტეილები.
განსხვავებულ კონცეფციას სრულყოფილად აქცევს რესტორნის არქიტექტურა და დიზაინი. როგორც საცხოვრებელ, ისე კაფეს არქიტექტურაზე, იზრუნა MUA – მულტივერს არქიტექტურამ, ხოლო ინტერიერი NS Studio-ს ეკუთვნის. კაფე ბოტანიკო ჩაფლულია სიმწვანეში. მისი ვერანდიდან იშლება პანორამული ხედები ზღვასა და ბოტანიკურ ბაღზე. ეს კი იმას ნიშნავს, რომ სტუმარს, მენიუს დაგემოვნებასთან ერთად, ბუნებით ტკბობა და ლამაზი ფოტოების გადაღებაც შეუძლია.
კაფე ბოტანიკო ყოველ წელს, მაისის დასაწყისიდან ოქტომბრის ბოლომდე იფუნქციონერებს. ხოლო საცხოვრებელი კომპლექსისა და რესტორნის მენეჯმენტს განახორციელებს სილქ ჰოსფითალითი.
