2024 წლის პირველ 3 თვეში საქართველოში 93 ადამიანი დაიღუპა ავტოავარიის შედეგად. მათ შორის 20 ქვეითი იყო.
ამავე პერიოდში საქართველოში 1495 ადამიანი დაშავდა ავტოავარიის შედეგად – ასეთია საქართველოს შს სამინისტროს სტატისტიკა 2024 წლის პირველ კვარტალში საქართველოში მომხდარი ავტოავარიების შესახებ.
სტატისტიკის თანახმად, წელს, პირველი სამი თვის განმავლობაში, ავარიის გამომწვევი ერთ-ერთი ყველაზე ხშირი სავარაუდო მიზეზი იყო რკინიგზის გადასასვლელის გავლის წესის დარღვევა, რომლის 598 შემთხვევა აღირიცხა. სარკინიგზო გადასასვლელზე წელს, 2024 წლის იანვრიდან მარტის ჩათვლით 21 ადამიანი დაიღუპა.
მეორე ადგილზეა სიჩქარის გადაჭარბება, რაც 14 ადამიანის დაღუპვის მიზეზი გახდა, მესამეზე კი – შემხვედრი მოძრაობის ზოლში გადასვლა ან გასწრების წესების დარღვევა, რის შედეგადაც 19 ადამიანი დაიღუპა.
__________________
ფოტოზე: ავტოსაგზაო შემთხვევა. ფოტო „ბათუმელების“ არქივიდან.
