რუსეთის დუმის კომიტეტმა პირველი მოსმენით რეკომენდაცია გაუწია კანონპროექტის მიღებას, რომელიც ითვალისწინებს რუსეთის ფედერაციაში ნებისმიერი უცხოური ორგანიზაციის არასასურველად გამოცხადების შესაძლებლობას, მათ შორის იმ ორგანიზაციებისაც, რომელთა დამფუძნებლები არიან უცხოური სამთავრობო უწყებები. ინფორმაციას ამის შესახებ რუსული პროპაგანდისტული მედია, „ტასი“ ავრცელებს.
„ტასი“ წერს, რომ მოქმედი ნორმები საშუალებას იძლევა, რუსეთის ფედერაციის ტერიტორიაზე არასასურველად იქნეს მიჩნეული მხოლოდ უცხოური არასამთავრობო ორგანიზაციების საქმიანობა; ახალი ნორმები ასევე უშვებს რუსეთის ტერიტორიაზე არასასურველად იქნეს მიჩნეული ნებისმიერი უცხოური ორგანიზაციის საქმიანობა, მათ შორის, მათი ვისი დამფუძნებლებიც არიან სამთავრობო უწყებები.
„შემოთავაზებულია ადმინისტრაციული კოდექსის 20.33 მუხლიდან (უცხოური ან საერთაშორისო არასამთავრობო ორგანიზაციის საქმიანობაში მონაწილეობა, რომლის საქმიანობაც მიჩნეულია არასასურველად რუსეთის ტერიტორიაზე) ამოღებულ იქნას სიტყვა „არასამთავრობო“. ამრიგად, რუსეთში არასასურველად მიჩნეული უცხოური არასამთავრობო ორგანიზაციების საქმიანობისთვის მოქმედი სანქციები გავრცელდება რუსეთში ნებისმიერი არასასურველი უცხოური ორგანიზაციის საქმიანობაში მონაწილეობაზე, მიუხედავად მათი საკუთრების ფორმისა” – წერს გამოცემა.
სიახლე არ გავრცელდება საერთაშორისო სამთავრობათაშორისო ორგანიზაციებზე, რომელთა წევრიც არის რუსეთი და ორგანიზაციებზე, რომლებიც შედიან უცხო სახელმწიფოს სამთავრობო ორგანოების სტრუქტურაში.
რუსეთში არასასურველად მიჩნეული ორგანიზაციის საქმიანობაში მონაწილეობა ისჯება ფულად ჯარიმებით და რიგ შემთხვევებში – თავისუფლების აღკვეთითაც კი.
__________
ფოტო: EPA-EFE/MAXIM SHIPENKOV
