ერთიან ეროვნულ გამოცდებზე 47 ათასზე მეტი პირი დარეგისტრირდა.
აქედან, 34 000 აბიტურიენტია.
სტუდენტთა საგრანტო კონკურსში მონაწილეობის სურვილი 3 000-ზე მეტმა სტუდენტმა გამოთქვა, საერთო სამაგისტრო გამოცდისათვის კი რეგისტრაცია 10 000-ზე მეტმა მაგისტრანტობის კანდიდატმა გაიარა.
გამოცდების ეროვნული ცენტრის ინფორმაციით, საგნის წაშლა ან დამატება, ასევე გამოცდის ენის შეცვლა 15 აპრილის 18:00 საათამდეა შესაძლებელი.
საგანმანათლებლო პროგრამების ჩამონათვალში ცვლილებების შეტანის შესაძლებლობა კი გამოსაცდელებს აპელაციის შედეგების გამოქვეყნებიდან მომდევნო დღის 18:00 საათამდე ექნებათ.
კონკრეტული რიცხვი მოგვიანებით გამოქვეყნდება.
რაც შეეხება მასწავლებლის გამოცდას, როგორც ცენტრი აცხადებს, უფროსი სპეციალური მასწავლებლისა და საბაზო პროფესიული უნარების გამოცდებისათვის რეგისტრაცია ჯერ კიდევ მიმდინარეობს და დასრულდება 15 აპრილის 18:00 საათზე.
