მთავარი,სიახლეები

მთავრობამ მართლმადიდებელ ეკლესიას 1 ლარად მიწის ნაკვეთები საკუთრებაში გადასცა

13.03.2024 • 2727
მთავრობამ მართლმადიდებელ ეკლესიას 1 ლარად მიწის ნაკვეთები საკუთრებაში გადასცა

საქართველოს მთავრობის 2024 წლის 12 მარტის განკარგულებით, ოზურგეთისა და ჩოხატაურის მუნიციპალიტეტებში მდებარე სახელმწიფოს საკუთრებაში არსებული  მიწის ოთხი ნაკვეთი ეკლესიას 1 ლარად გადაეცა.

ეს ნაკვეთები მდებარეობს:

  • ოზურგეთის დაბა ნარუჯაში – 849 კვადრატული მეტრი; სოფელ ზემო ნატანებში – 929 კვადრატული მეტრი;
  • ჩოხატაურის სოფელ გუთურში კი 2 ნაკვეთი – 345 და 859 კვადრატული მეტრი.

პრემიერ ირაკლი კობახიძის მიერ ხელმოწერილ დოკუმენტში აღნიშნულია, რომ „მითითებული უძრავი ქონების [ოთხივე ნაკვეთის] საპრივატიზებო პირობად განისაზღვროს საპრივატიზებო თანხის [1 ლარის] გადახდა შესაბამისი ხელშეკრულების გაფორმებიდან ერთი თვის ვადაში“.

აღნიშნული ნაკვეთების ეკლესიისთვის გადასაცემად შესაბამისი ღონისძიებების განხორციელება მთავრობამ სახელმწიფო ქონების ეროვნულ სააგენტოს დაავალა.

გადაბეჭდვის წესი


ასევე: