„რიკოთზე ვართ და ქვემოდან ვხედავდით, როგორ წამოვიდა მიწის ნაწილი. არ იყო დიდი მასა და ჯებირი არ გადმოულახია, თუმცა მაინც საშინელი სანახავია, როცა მთელი ოჯახი მანქანაში ხარ და ბავშვიც გიზის. ემოციურად ძალიან იმოქმედა ჩემზე“- ამბობს „ბათუმელებთან“ ქეთი ლაბაძე.
ქეთის თქმით, რიკოთზე თოვლია, ცუდი ამინდია და ხილვადობაც შემცირებულია.
„დიდი საცობები არ არის, სადღაც შვიდი წუთი მოგვიწია დგომა, თუმცა ამ დროისთვის გზას წმენდენ“-ამბობს ქეთი.
მიწის ჩამოშლილი მასა რიკოთზე
„როცა იცი, რომ ეს გზა სახიფათოა და როცა ხედავ მიწა მოდის, მაინც ძალიან იმოქმედა“, – ამბობს ქეთი.
რიკოთზე მეწყრის საფრთხეები მას შემდეგ გაჩნდა, რაც ამ მონაკვეთზე ავტობანის მშენებლობა დაიწყო.
წლის განმავლობაში მეწყრული პროცესების წარმოშობის გამო, რიკოთი არაერთხელ იყო ჩაკეტილი.
საქართველოს საავტომობილო გზების დეპარტამენტს ჯერჯერობით განცხადება არ გაუკეთებია, საშიშია თუ არა ამ დროისთვის რიკოთზე გადაადგილება.
