ბათუმში, თამარ მეფის გზატკეცილზე, მუნიციპალური ავტობუსი და მსუბუქი ავტომანქანა ერთმანეთს დაეჯახა. ავარიის შედეგად სამი დაშავებული კლინიკაში გადაიყვანეს.
შემთხვევა დღეს, 6 დეკემბერს მოხდა. „ბათუმის ავტოტრანსპორტის“ მონაცემებით, ავტობუსი გაჩერებული იყო, როცა მას მსუბუქი ავტომანქანა დაეჯახა.
სასწრაფო-სამედიცინო სამსახურის ცნობით, „სამი დაშავებული სხვადასხვა ტრავმით გადანაწილებულია რესპუბლიკურსა და რეფერალურ საავადმყოფოებში“.
ადგილზე მუშაობენ სამართალდამცველები.