მთავარი,სიახლეები

ხოფაში შტორმის დროს ნაპირზე გამორიყული გემის გადარჩენას ცდილობენ

06.12.2023 • 1981
ხოფაში შტორმის დროს ნაპირზე გამორიყული გემის გადარჩენას ცდილობენ

საქართველო-თურქეთის საზღვართან ახლოს მდებარე ქალაქ ხოფაში შტორმის დროს ნაპირზე გამორიყული სატვირთო გემის სარემონტო სამუშაოების დასაწყებად კვლევა მიმდინარეობს.

როგორც თურქული მედია წერს, გემის გადარჩენას სტამბოლიდან ჩასული სპეციალისტები ცდილობენ.

სანაპირო, სადაც გემია გამორიყული, სავსეა ცნობისმოყვარეებით. მოქალაქეები საზღვრისპირა ქალაქებიდანაც კი მიდიან გემის სანახავად.

მშრალი სატვირთო გემი FR Pearl-ი 27 ნოემბერს ბათუმის პორტიდან თურქეთში ცარიელი ბრუნდებოდა, რა დროსაც ის შტორმმა ხოფის სანაპიროზე გამორიყა.

გემზე ეკიპაჟის 13 წევრი იყო, 6 თურქი, 5 აზერბაიჯანელი და 2 ინდონეზიელი. თურქეთის სამაშველო სამსახურმა ყველა მათგანის გადარჩენა შეძლო.

ამჟამად სტამბოლიდან ჩამოსული სპეციალისტები ცდილობენ გემის ზიანი შეაფასონ და სარემონტო სამუშაოების დაწყების შესაძლებლობა დაადგინონ.

როგორც თურქული მედია წერს, გემის ფსკერს მყვინთავები იკვლევენ. პირველ ეტაპზე განიხილება გემის დაზიანებული ნაწილების შეკეთება და ბუქსირით უსაფრთხო ზონაში გაყვანა, ხოლო თუ ამ სამუშაოების ჩატარება შეუძლებელი იქნება, მაშინ გემის დემონტაჟი ხოფაში, ნაპირზე მოხდება.

სპეციალისტები ვარაუდობენ, რომ სამაშველო ოპერაციას დიდი დრო დასჭირდება.

გადაბეჭდვის წესი


ასევე: