მთავარი,სიახლეები

რუსეთის თავდაცვა ყირიმზე უკრაინული დრონების მასიურ თავდასხმაზე იუწყება

05.12.2023 • 551
რუსეთის თავდაცვა ყირიმზე უკრაინული დრონების მასიურ თავდასხმაზე იუწყება

რუსეთის თავდაცვის სამინისტრო იუწყება, რომ სამშაბათს, 5 დეკემბერს, ღამით, ათობით უკრაინული დრონი იქნა გაშვებული ყირიმისკენ.

რუსული მხარის ცნობით, რუსეთის საჰაერო თავდაცვის ძალებმა აზოვის ზღვასა და ოკუპირებული ყირიმის ტერიტორიაზე 33 დრონი ჩამოაგდეს.

ოფიციალურ კიევს ყირიმზე თავდასხმის შესახებ ინფორმაცია არ გაუვრცელებია.

მოგვიანებით, რუსულმა მხარემ განაცხადა, რომ კიდევ ოთხი დრონი ჩამოაგდეს და ორი დააკავეს აზოვის ზღვაზე.

მედიის ცნობით, თავდასხმის შედეგები დაზუსტებული არ არის.

ამავდროულად, ოკუპირებული ყირიმის მაცხოვრებლები ტელეგრამზე წერენ, რომ აფეთქებების ხმა ისმოდა ქერჩის, ფეოდოსიისა და ძველი ყირიმის რაიონებში.

ყირიმის ხიდზე მოძრაობა ოთხ საათზე მეტხანს იყო შეჩერებული.

უკრაინელი სამხედროები რეგულარულად ახორციელებენ დარტყმებს რუსეთის მიერ ოკუპირებული ყირიმის ტერიტორიაზე. ნოემბრის დასაწყისში უკრაინის თავდაცვის მიერ გაშვებული რაკეტა ქარხანას, მოხვდა, რის შედეგადაც დაზიანდა რუსეთის საზღვაო ძალების ერთ-ერთი ხომალდი.

 

გადაბეჭდვის წესი


ასევე: