სიახლეები

რამდენ პირს ჩამოართვეს თანამდებობის დაკავების, ან საქმიანობის უფლება – სასამართლოს სტატისტიკა

02.12.2023 • 596
რამდენ პირს ჩამოართვეს თანამდებობის დაკავების, ან საქმიანობის უფლება – სასამართლოს სტატისტიკა

2022 წლის სტატისტიკით, მსჯავრდებულს პირებს შორის, რომლებსაც სხვადასხვა სახის სისხლის სამართლის დანაშაულის ჩადენა დაუმტკიცდათ, საქართველოში სულ 23 პირს ჩამოართვეს თანამდებობის დაკავების უფლება, ან საქმიანობის უფლება.

2021 წელს კი, ასეთი სასჯელი სულ 3 ადამიანს შეეხო. 2021 წელს საერთო მსჯავრდებულების რაოდენობის მაჩვენებელში ეს 0.02 %-ია, 2022 წელს კი, 0.12 %.

2022 წელს საერთო სასამართლოების გადაწყვეტილებით სულ 18 850 პირი გახდა მსჯავრდებული, 2021 წელს – 15 412.

მსჯავრდებულების ნახევარზე მეტს პირობითი მსჯავრი აქვს: 2022 წელს – 9785 პირს [51%] 2021 წელს – 8242 [53%].

2022 წელს მსჯავრდებულების 21 %-ს შეუფარდეს სასჯელის სახით თავისუფლების აღკვეთა – 4128 ადამიანს. 2021 წელს  – 3502 პირს [22%].

კიდევ ერთი საინტერესო მაჩვენებელი: განაჩენის აღსრულება 2022 წელს 9 მსჯავრდებულის შემთხვევაში გადაიდო, 2021 წელს კი, 6 პირს გადაუვადეს სასჯელი.

შინაპატიმრობის მაჩვენებელი ისევ დაბალია: 2022 წელს შინაპატიმრობაში მხოლოდ 13 მსჯავრდებული იყო, ეს საერთო მსჯავრდებლების მაჩვენებლის 0.1 %-ია.

გადაბეჭდვის წესი


ასევე: