მთავარი,სიახლეები,სპორტი

„დინამო ბათუმი“ საქართველოს ჩემპიონი გახდა

24.11.2023 • 2729
„დინამო ბათუმი“ საქართველოს ჩემპიონი გახდა

დღეს, 24 ნოემბერს, „დინამო ბათუმმა“ ეროვნული ლიგის 34-ე ტურში „თელავს“ მოუგო ანგარიშით – 3-0.

გუნდმა ამ გამარჯვებით 73 ქულა დააგროვა, რაც იმას ნიშნავს, რომ მას მთავარი კონკურენტი, „დინამო თბილისი“ ვეღარ დაეწევა.

შესაბამისად, „დინამო ბათუმი“ 2023 წლის საქართველოს ეროვნული ლიგის გათამაშების ჩემპიონი გახდა ჩემპიონატის დასრულებამდე ორი ტურით ადრე.

დღეს, თბილისის „დინამომ“ ფრედ, ანგარიშით – 2-2 დაასრულა თამაში ქუთაისში.

საქართველოს ჩემპიონი „დინამო ბათუმი“ აქამდე ერთხელ, 2021 წელს იყო. გარდა ჩემპიონობისა, „დინამო ბათუმი“ მონაწილეობს საქართველოს დავით ყიფიანის თასის გათამაშებაში და შანსი აქვს წელს მეორე ტიტულიც მოიგოს.

_____________

ფოტო „ბათუმელების“ არქივიდან

 

გადაბეჭდვის წესი


ასევე: