მთავარი,სიახლეები

თურქეთში იპოვეს ჩაძირული გემის მეორე მეზღვაურის ცხედარი – ეკიპაჟის 10 წევრს ისევ ეძებენ

23.11.2023 • 2128
თურქეთში იპოვეს ჩაძირული გემის მეორე მეზღვაურის ცხედარი – ეკიპაჟის 10 წევრს ისევ ეძებენ

თურქეთში სამძებრო-სამაშველო სამუშაოების მეოთხე დღეს იპოვეს 19 ნოემბერს ჩაძირული გემის კიდევ ერთი მეზღვაურის ცხედარი.

თურქული სააგენტო „ანადოლუს“ ცნობით, მეზღვაურის ცხედარი დღეს, 23 ნოემბერს, დილით იპოვეს შავ ზღვაში, თურქეთის ჩრდილოეთ პროვინცია ზონგულდაკის მახლობლად.

ხელისუფლება აცხადებს, რომ სამძებრო-სამაშველო სამუშაოები გრძელდება და მასში ჩართულია 2 ვერტმფრენი, 40-ზე მეტი მყვინთავი, დრონები და 177 მაშველი. სპეციალისტები ეძებენ გემის ეკიპაჟის კიდევ 10 წევრს.

შავ ზღვაში, თურქეთის სანაპიროსთან, ქარიშხლის გამო სატვირთო გემი 19 ნოემბერს ჩაიძირა. გემზე ეკიპაჟის 12 წევრი იმყოფებოდა. ერთი მეზღვაურის ცხედარი კატასტროფის მეორე დღეს აღმოაჩინეს.

გადაბეჭდვის წესი


ასევე: