მაღალმთიან აჭარაში დღეს, 17 ნოემბერს, გამთენიისას გათოვდა და ახლაც თოვს.
თოვლს მოჰყვა ელექტროენერგიის გათიშვაც.
როგორც ხულოს სოფელ ბეღლეთის ერთ-ერთმა მკვიდრმა გვითხრა, ხულოში „ციდან ფიფქის ჩამოვარდნა და უშუქობა განუყრელია“.
„ბათუმელებს“ „ენერგო პრო ჯორჯიაში“ დაუდასტურეს, რომ ბეღლეთსა და მის მიმდებარე სოფლებში ელექტროენერგიის მიწოდება დილიდან შეწყდა.
„დაახლოებით ნახევარ საათში ჩართავენ. თოვლის გამო ხაზი დაზიანდა. დაზიანების ნაწილი ნაპოვნია და ტექნიკური ბრიგადა ადგილზე მუშაობს“, – გვითხრეს კომპანიის პრესსამსახურში.
