„3 ერთეული საექსპოზიციო კუთხის [კიოსკი] მოწყობის სამუშაოს შესყიდვაზე“ ბათუმის ბულვარის ადმინისტრაციამ ტენდერი 221 ათას 433 ლარით გამოაცხადა.
ანუ, 1 კიოსკის მოწყობაში ბულვარი მაქსიმუმ 73 ათას 811 ლარს გადაიხდის [თუმცა, საბოლოო ფასი ტენდერის შედეგად დადგინდება].
სამუშაოებში შედის ბულვარის ტერიტორიაზე რკინა-ბეტონის ფილის/საძირკვლის მოწყობა, მასზე მეტალის კარკასის, შემინული ჯიხურის დადგმა; გადახურვა; სტაციონარული გასაჭიმი ტენტის [სამაგრი უჟანგავი დეტალებით] დამაგრება და ასევე ელექტროქსელის მონტაჟი.
ჯიხურის ვიზუალიზაცია პროექტიდან
პროექტის მიხედვით, ჯიხურის სიმაღლე 4,25 მეტრი [სახურავის ჩათვლით], ხოლო სიგანე 1,95 მეტრი იქნება.
ტენდერში წინადადებების მიღება 2023 წლის 24 ნოემბერს დაიწყება და 27 ნოემბერს დასრულდება.
პირობის მიხედვით, „საექსპოზიციო კუთხის (კიოსკი) მოწყობის სამუშაოები უნდა განხორციელდეს ხელშეკრულების გაფორმებიდან 90 კალენდარული დღის ვადაში“.
ამავე თემაზე:
ბულვარში ველობილიკს მწვანედ შეღებავენ და გაანათებენ – ორმილიონიანი ტენდერი
