დღეს 13 ნოემბერს, განათლების მინისტრმა გიორგი ამილახვარმა განაცხადა, რომ სამომავლოდ ახალგაზრდობის სააგენტო კულტურის, სპორტისა და ახალგაზრდობის სამინისტროს გამოეყოფა და განათლების სამინისტროს დაქვემდებარებაში გადავა.
მთავრობის სხდომაზე მსჯელობისას მივიღეთ გადაწყვეტილება, რომ განათლებისა და მეცნიერების სამინისტროს დაემატოს ახალგაზრდობის სააგენტო, რადგან ჩვენ განათლების სამინისტროში ისედაც გვაქვს ახალგაზრდობის კომპონენტები და ისედაც მოვიცავთ ახალგაზრდობის პოლიტიკას.
ამიტომ მიზანშეწონილად მივიჩნიეთ, რომ ახალგაზრდობის პოლიტიკისა და განათლების სიახლოვის შედეგად, ახალგაზრდული სააგენტოს საქმიანობა გაგრძელდეს განათლების სამინისტროში.
ჩვენ უახლოეს მომავალში განახლებულ სამოქმედო გეგმას წარვუდგენთ საზოგადოებას და ახალგაზრდებს, საკმაოდ აკადემიურად, შემეცნებითად და სახელმწიფოებრივდ განახლებულ პროგრამას“ – ამბობს გიორგი ამილახვარი.
ამილახვარის თქმით, სასურველია ახალგაზრდული სააგენტოს განათლების სამინისტროს დაქვემდებარებაში გადასვლის პროცესი პირველი დეკემბრიდან დაიწყოს.
„კანონპროექტთა ნუსხა გადაეგზავნება პარლამენტს და შემდეგი წლიდან ჩამოყალიბდება ჩვენთან ახალი სამინისტრო, რომლის სახელმწოდება იქნება „განათლების, მეცნიერებისა და ახალგაზრდობის სამინისტრო“ – ამბობს ამილახვარი.
