დღეს 3 ივლისს, 13:00 საათზე, სარფის საბაჟო გადმოკვეთა აჭარის მთავრობის ყოფილმა თავმჯდომარემ, ლევან ვარშალომიძემ. მას სარფის საბაჟოსთან დახვდნენ „ნაციონალური მოძრაობის“ წევრები და პარტიის მხარდამჭერები.
ლევან ვარშალომიძის მომლოდინე ხალხი საბაჟოდან გამოსული ტრაილერების გადაადგილებას აფერხებდა, რის გამოც პოლიციას მათი წითელ ზოლში მოქცევა მოუხდა.
ლევან ვარშალომიძესთან შესახვედრად მოვიდა, ყოფილი პრეზიდენტის მიხეილ სააკაშვილის მეუღლე სანდრა რულოვსიც. ვარშალომიძეს თან ახლდა აჭარის ტელევიზიის ყოფილი ხელმძღვანელი, თეა ცეცხლაძე, რომელიც ვარშალომიძის პრესსპიკერი იყო, მისი მთავრობაში ყოფნის დროს.
სარფის საბაჟო. „ნაციონალური მოძრაობის“ მხარდამჭერები ლევან ვარშალომიძეს დახვდნენ.
ლევან ვარშალომიძე პარტიის მხარდამჭერებთან რამდენიმე წუთს გაჩერდა: „ახლა წავიდეთ სარფის გამშვები პუნქტიდან და ხვალიდან გავაგრძელოთ ბრძოლა“- განაცხადა მან.
სარფის საბაჟო. „ნაციონალური მოძრაობის“ მხარდამჭერები ლევან ვარშალომიძეს დახვდნენ. / ლელა დუმბაძის ფოტოები
შს სამინისტროს ინფორმაციით, სარფის საბაჟოს გადმოკვეთის დროს, მას ფეხსაცმელი ესროლეს. აღნიშნული პირი ამ დროისთვის დაკავებულია.
