მთავარი,სიახლეები

მედია და ურბანული პოლიტიკა – ბათუმში დისკუსია გაიმართება

25.10.2023 • 754
მედია და ურბანული პოლიტიკა – ბათუმში დისკუსია გაიმართება

27 ოქტომბერს ბათუმში, დემოკრატიული ჩართულობის ცენტრში,  გაიმართება დისკუსია თემაზე – „მედია და ურბანული პოლიტიკა“.

შეხვედრაზე მოწვეულნი არიან საჯარო მოხელეები, სამოქალაქო სექტორისა და ურბანულ პოლიტიკასთან დაკავშირებული სფეროების წარმომადგენლები.

დისკუსიას მოხსენებით გახსნის „ბათუმელების“ ჟურნალისტი ცაგო კახაბერიძე.

დისკუსია შეეხება ურბანულ პოლიტიკას, მედიის თანამშრომლობას ამ დარგის სპეციალისტებთან, გამოწვევებსა და შესაძლებლობებს. განხილული იქნება, რა გავლენას ახდენს კვალიფიციური მედიაგაშუქება მიმდინარე პროცესებზე და რამდენად მნიშვნელოვანია დამოუკიდებელი ჟურნალისტიკა ქალაქზე მორგებული ურბანული გადაწყვეტილებების ადვოკატირებისთვის.

დაინტერესებული პირებისთვის შეხვედრაზე დასწრება თავისუფალია.

დისკუსია 17:00 საათზე დაიწყება და ორი საათის განმავლობაში გაგრძელდება.

შეხვედრა ტარდება „თავისუფალ ჟურნალისტთა სახლის“ დისკუსიათა ციკლის – „მედიის თავისუფლება – გზა ევროინტეგრაციისკენ“ ფარგლებში.

_______________

ფოტოზე: ცაგო კახაბერიძე, „ბათუმელების“ ჟურნალისტი

გადაბეჭდვის წესი


ასევე: