მთავარი,სიახლეები

13 ოქტომბერს ბათუმში შეგიძლიათ ლეკვი ან კნუტი იჩუქოთ ან გააჩუქოთ

12.10.2023 • 1221
13 ოქტომბერს ბათუმში შეგიძლიათ ლეკვი ან კნუტი იჩუქოთ ან გააჩუქოთ

13 ოქტომბერს, პარასკევს, ბათუმის მეორე საჯარო სკოლის ეზოში 12:30 საათიდან 14 საათამდე შეგიძლიათ მიუსაფარი ლეკვი ან კნუტი იჩუქოთ ან გააჩუქოთ.

მიუსაფარ ცხოველთა (კნუტებისა და ლეკვების) გამოფენა-გაჩუქება – პირობითად ასე ჰქვია ღონისძიებას, რომლის ორგანიზატორებიც მეორე საჯარო სკოლის პედაგოგი თეონა ყურშუბაძე და სკოლის სასწავლო ნაწილი აღმზრდელობით დარგში, მედეა ცინცაძე არიან. პროცესში ჩართულნი არიან მოსწავლეებიც.

ორგანიზატორები აღნიშნავენ, რომ პროექტი მიზნად ისახავს ცნობიერების ამაღლებას ბავშვობის ასაკიდან, თუ რამდენად მნიშვნელოვანია კომპანიონ ცხოველთა სტერილიზაცია/კასტრაცია და რომ ეს არის ქუჩაში მიუსაფარ ცხოველთა შემცირების უმთავრესი გზა.

ასევე, პროექტი მიზნად ისახავს ბავშვებში, მოზარდებში და ზოგადად, საზოგადოებაში მიუსაფარი ცხოველების მიმართ ჰუმანური დამოკიდებულების ხელშეწყობასა და ცხოველების მიმართ შიშის დაძლევას.

დასწრება თავისუფალია. ადგილზე შეგიძლიათ შეარჩიოთ და იჩუქოთ ლეკვი/კნუტი ან თავად მიიყვანოთ მიუსაფარი ცხოველი და მის გაჩუქებას შეეცადოთ.

ცხოველი გაჩუქდება მხოლოდ სრულწლოვან ადამიანზე. 

ორგანიზატორები ამბობენ, რომ აქციის მიმდინარეობისას შესაძლებელია მათ საჩუქრად გადასცეთ ცხოველების მშრალი საკვები ქუჩაში მცხოვრებ მიუსაფარ ცხოველთა გამოსაკვებად.

მისამართი: ბათუმი, ხარიტონ ახვლედიანის ქუჩა #19, ბათუმის მე-2 საჯარო სკოლა.

ფოტოზე: გასაჩუქებელი ცხოველები. ფოტო: მიუსაფარ ცხოველთა დახმარების ჯგუფი ბათუმში/facebook

ამავე თემაზე: 

ცხოველების ქომაგი ინგლისურის მასწავლებელი [ვიდეო]

გადაბეჭდვის წესი


ასევე: