ორთვენახევრის განმავლობაში ბათუმში ჩამოსულ სტუმრებს და ადგილობრივებს ყოველდღიურ რეჟიმში ბათუმი ფესტივალი ზღვა ემოციას ჩუქნიდა. ფესტივალი ამ მასშტაბებით და ხანგრძლივობით პირველი იყო საქართველოში.
ბათუმი ფესტივალი 6 ზონაში (ღია კინოთეატრი, საბავშვო გასართობი ზონა, საშოპინგო ზონა, საკვები ზონა, გასართობი ზონა, ბარების ზონა) 200–მდე ადგილობრივი და აზიელი ვენდორი იყო წარმოდგენილი, ვენდორები თავიდანვე თავიანთი კონცეფციის მიხედვით აირჩა. მიზანი ფესტივალის ორგანიზატორებისთვის და ვენდორებისთვის ერთი იყო, რაც შეიძლება განსხვავებული და ფერადი დღეები შეგვეთავაზებინა სტუმრებისთვის, რაც ვფიქრობთ, რომ გამოგვივიდა.
სეზონის განმავლობაში 50–მდე არტისტმა იზრუნა ბათუმი ფესტივალზე მოსული სტუმრების განწყობაზე, ამასთან ერთად, აღსანიშნავია, რომ ფესტივალზე იყვნენ ისეთი არტისტებიც, რომელებსაც პირველად მიეცათ საშუალება, ამ მასშტაბის აუდიტორიასთან წარსდგენილიყვნენ, რაც ჩვენთვის ორმაგად საამაყოა.
აღსანიშნავია, რომ ფესტივალის ფარგლებში 400 ამდე საქართველოს და უკრაინის მოქალაქე იყო დასაქმებული, ამასთანავე მნიშვნელოვანია, რომ ამ ახალგაზრდებისთვის ეს პირველი გამოცდილება იყო და ვფიქრობთ, რომ მცირე ბიზნესებთან და მეწარმეებთან მუშაობით, ძალიან ბევრი რამ ისწავლეს, რაც მათი კარიერის პირველი ნაბიჯებისთვის მნიშვნელოვანი საფეხური იქნება.
ფესტივალის ფარგლებში არაერთ ღონისძიებას ვუმასპინძლეთ:
საქართველოს კალათბურთის ეროვნული ფედერაციის ორგანიზებით 3x3GeoTour2023 საქართველოს 3×3 კალათბურთში აჭარის შესარჩევ ეტაპს. საქართველოს კულტურის ცენტრათან ერთად 3 დღის განმავლობაში საქართველოს სხვადასხვა კუთხის ღვინო და ყურძნის ნაწარმი იყო წარმოდგენილი, რამაც ტურისტებისთვის კიდევ უფრო მიმზიდველი გახადა ჩვენი ფესტივალი. ფესტივალის ფარგლებში საზეიმო ვითარებაში გამოვლინდნენ გამარჯვებულები.
აგვისტოს თვეში ჩვენთვის ძალიან საპასუხისმგებლო ღონისძიებას ვუმასპინძლეთ, საქართველოს ეროვნული გმირის გიორგი ანწუხელიძის სახელობის ტურნირს, რომელიც თავდაცვის სამინისტროს ორგანიზებით გაიმართა.
ეთამაშე ბათუმის დინამოს – ფესტივალზე ბათუმის დინამოს ფეხბურთელებმა ნამდვილი სპორტული დღესასწაული მოუწყვეს ბავშვებს, გამარჯვებულებს კი ლისინ ივენთმა სხვადასხვა საჩუქარი გადასცა.
ფესტივალის ფარგლებში, ლისინ ივენთის გენერალური სპონსორობით ქვიშის ფრენბურთის საერთაშორისო 2 ჩემპიონატს ,,ოქროს ბურთი“ და „კორტის მეფე“-ს ვუმასპინძლეთ, სადაც გამარჯვებულებს სხვადასხვა საჩუქრები და ფულადი ჯილდოები გადაეცათ.
ვუმასპინძლეთ USAID კამპანია “ახლა“ რომელიც კოალიცია ინფორმაციის სანდოობის ორგანიზებით დაიწყო და ის წარმოაჩენს თუ რა მნიშვნელოვან სარგებელს მიიღებს თითოეული ოჯახი საქართველოს ევროკავშირში გაწევრებით.
მოხარულები ვართ, რომ მთელი ფესტივალის განმავლობაში ვმასპინძლობდით აჭარაში მცხოვრებ მეწარმე ქალებს, რომელსაც წარმოდგენილი ქონდათ ხელნაკეთი ნაწარმი. მათ კოორდინირებას აჭარის ავტონომიური რესპუბლიკის უმარღლესი საბჭოს გენდერული თანასწორობის საბჭო უწევს.
მოხარულები ვართ, რომ ჩვენი ფესტივალი საწყისი გახდა სტარტაპებისთვის შექმნისთვის. 10 –მდე კვების ობიექტისთვის ინსპირაცია სწორედ ბათუმი ფესტივალი გახდა და სწორედ ჩვენთვის შექმნეს მათ ახალი კერძები, დესერტები, მოკლე დროში მოიფიქრეს ბრენდის სახელებიც და წარმატებით დაიმკვიდრეს მარკეტზე თავი, იმედი გვაქვს, რომ ისინი ასევე წარმატებით გააგრძლებენ მუშაობას და შემდგომ ფესტივალებზე უკვე წარმატებული ბრენდების სახელით შემოგვიერთდებიან. ამასთან ერთად, აღსანიშნავია, რომ რამდენიმე კვების ობიექტი ფრანჩაიზით გაიყიდა და ვფიქრობთ, სწორედ ეს პატარ-პატარა მაგრამ მნიშვნელოვანი ისტორიები, რომლებიც ფესტივალის განამვლობაში იწერებოდა, გვაძლევს საშუალებას რომ ვთქვათ, რომ ჩვენი ფესტივალი შედგა .
სამომავლო გეგმები
ბათუმი ფესტივალი არ არის ერთჯერადი და იგი პერმანენტულ ხასიათს მიიღებს, 2024 წელს ბათუმი ფესტივალი კიდევ უფრო მრავალფეროვანი იქნება და სტუმრებს უამრავ სიურპრიზს მოუმზადებს. ბათუმის გარდა, ლისინ ივენთი მსგავსი ტიპის ფესტივალის ჩატარებას ეტაპობრივად საქართველოს სხვადასხვა დიდ ქალაქში გეგმავს, მათ შორის თბილისში, ქუთაისსა და ქობულეთში.
მორიგ მასშტაბურ ფესტივალამდე კი ლისინ ივენთი აგრძელებს ფუნქციონირებას როგორც ივენთ კომპანია და წლის მანძილზე სხვადასხვა სიურპრიზს გვპირდება.
23 სექტემბერს ანბანის კოშკის მიმდებარე ტერიტორიაზე ა(ა)იპ დათო ევგენიძის ფონდი თბილი სი წარმოგიდგენთ მუსიკალურ ფესტივალს „ჰიტერატურა“, რომლის ფარგლებშიც თქვენ წინაშე წარდგებიან დათო ევგენიძის ბენდი, თორნიკე ყიფიანი, გიორგი მახარაშვილი, ეკატერინე მდივანი, გიორგი დათიაშვილი, ირაკლი კაპანაძე.
პროექტის მხარდამჭერები არიან: კომპანია ლისინ ივენთი, საქართველოს კულტურის, სპორტის და ახალგაზრდობის სამინისტრო, აჭარის ავტონომიური რესპუბლიკის განათლების, კულტურისა და სპორტის სამინისტრო, ქალაქ ბათუმის მერია, ბათუმის კულტურის ცენტრი.
ლისინ ივენთი მომხარებლებს სხვადასხვა მრავალფეროვან სერვისს სთავაზობს: ივენთების, კონფერენციების და ფესტივალების დაგეგმვა და მენეჯმენტი, ბრენდინგი, დიზაინი და დეკორაცია, ინვენტარის გაქირავება, მარკეტინგული კომუნიკაციები და სპონსორების და პარტნიორების მოძიება. კომპანიას ბათუმი ფესტივალიდან არაერთი ინვენტარი აქვს, რაც საშუალებას აძლევს, კლიენტებს სრული სერვისი შესთავაზოს.
