უკრაინის დაზვერვის მთავარი სამმართველოს უფროსი კირილო ბუდანოვი მიიჩნევს, რომ უკრაინის გამარჯვების შემდეგ რუსეთი რევანშს მოინდომებს და ეს, შესაძლოა, ომში დამარცხებიდან 10 წელიწადში მოხდეს.
ამის შესახებ ბუდანოვმა უკრაინულ გამოცემა ТСН-სთან ინტერვიუში აღნიშნა.
„რუსეთს სამხედრო ასპექტში გამოსაჯანმრთელებლად დაახლოებით 10 წელი დასჭირდება. 10 წელი სწორედ ნორმალური პერიოდია გადააზრებისა და რევანშის მომზადებისთვის.
ჩვენ აუცილებლად გვექნება 10 წელი. თუკი უკრაინის გამარჯვების შემდეგ, ასე ვთქვათ, მოვახერხეთ იმ ტერიტორიებზე გავლენის მოხდენა, რომლებიც შეიქმნება, შესაძლოა უფრო მეტი, მაგრამ 10 წელი მაინც გვექნება“ – განაცხადა ბუდანოვმა.
მანამდე იგი ამბობდა, რომ დაშლის შემთხვევაშიც კი, რუსეთის ფედერაცია შესაძლოა იყოს სახიფათო. ნატოს სამხედრო კომიტეტმა ხაზგასმით აღნიშნა, რომ რუსეთი რჩება საფრთხედ ჩრდილოატლანტიკური ალიანსისთვის, მაშინაც კი, თუ მისი ჯარები უკრაინაში დამარცხდებიან.
