ჩეჩნეთის ლიდერი, რამზან კადიროვი მოითხოვს, მოუხსნან სანქციები დედამისს, თორემ ამას „უპასუხოდ არ დატოვებს“.
კადიროვმა ტექსტური და ვიდეომიმართვა ტელეგრამში, თავის არხზე გამოაქვეყნა.
„მე უკვე აღარ მიკვირდა შეერთებული შტატებისა და დასავლეთის გადაწყვეტილებები ალოგიკურ სანქციებზე და უცებ ისევ – ახლა ჩემი ძვირფასი დედაა სიაში.
ის, რომ ის მარტო საქველმოქმედო საქმიანობითაა დაკავებული, მთელმა მსოფლიომ იცის.
პირველი და მეორე ჩეჩნური კამპანია, საქართველო, უკრაინა – ეს ყველაფერი აშშ-ს პროექტებია პოსტსაბჭოთა სივრცეში, რომ არაფერი ვთქვათ სხვა კონფლიქტებზე მთელ მსოფლიოში…“ – წერს კადიროვი.
ვიდეომიმართვაში კადიროვი აშშ-ს ემუქრება, რომ „არ აპატიებს“, თუ სანქციებს დედამისს არ მოუხსნიან.
„ევროპის, რუსეთის ტერიტორიაზე ამერიკელი დიპლომატები ვერ იმოგზაურებენ… ჩვენც დავაწესებთ სანქციებს და მათ დავაკავებთ. ასე, რომ არ ვხუმრობ, ყელში ამოხვედით…
აღარ გავიმეორებ… მიდით, მოუხსენით სანქციები დედაჩემს, სწრაფად, თორემ ამას არ გაპატიებთ, ყველაფერზე წავალ“ – ამბობს კადიროვი.
აშშ-მ რამზან კადიროვის დედის, აიმან კადიროვას წინააღმდეგ სანქციები 24 აგვისტოს დააწესა. სანქციები შეეხო ასევე ჩეჩნეთის სამი თანამდებობის პირს.
_____________
ფოტოზე: კადრი ვიდეომიმართვიდან
