ქედის მუნიციპალიტეტის სოფლებში – ზვარესა და ძენწმანში მდებარე მეჩეთების სარეაბილიტაციო თანხა ნახევარ მილიონამდე გაიზარდა. პარალელურად, გადაიწია სამუშაოების დასრულების ვადაც.
ზვარესა და ძენწმანის მეჩეთები კულტურული მემკვიდრეობის ძეგლებია და ისინი დღეს სავალალო მდგომარეობაშია. მათ რეაბილიტაციაზე ტენდერი აჭარის კულტურული მემკვიდრეობის დაცვის სააგენტომ [კმდს] რამდენჯერმე გამოაცხადა, ჯამში 370 ათას 500 ლარით, თუმცა, ეს ტენდერები არ შედგა.
ამჯერად კმდს-მ თანხა 129 ათას 500 ლარით გაზარდა და ორივე მეჩეთის რეაბილიტაციაზე ტენდერი 500 ათასი ლარით გამოაცხადა.
თანხის გაზრდას აჭარის ფინანსთა და ეკონომიკის სამინისტრო იმ პირობით დათანხმდა, „თუ პროექტის განხორციელებისათვის საჭირო ფინანსური რესურსი აჭარის ავტონომიური რესპუბლიკის განათლების, კულტურისა და სპორტის სამინისტროს მიერ გათვალისწინებული იქნება მომდევნო [2024] წლის ბიუჯეტის პროექტირებისას.“
წინა ტენდერის პირობის მიხედვით, მეჩეთების რეაბილიტაცია 2023 წლის 1-ელ ოქტომბრამდე უნდა დასრულებულიყო. ახალი ტენდერის პირობით კი, გამარჯვებულმა სამუშაოები 2024 წლის 1-ელ ივნისამდე უნდა დაასრულოს.
ნახევარმილიონიან ტენდერში წინადადებების მიღება კი, 2023 წლის 12 სექტემბერს დაიწყება და 15 სექტემბერს დასრულდება.
განახლება: შესყიდვების პორტალის მიხედვით არც ეს ტენდერი შედგა – მასში მონაწილეობა არავინ მიიღო.
რა მდგომარეობაშია ზვარეს მეჩეთი დღეს, ნახეთ ამ ბმულზე:
ამავე თემაზე:
https://batumelebi.netgazeti.ge/news/477980/
