უკრაინის ვიცე-პრემიერმინისტრი ინოვაციების საკითხებში, ციფრული ტრანსფორმაციის მინისტრი მიხაილ ფედოროვი ტელეგრამზე წერს, რომ „დრონების არმია“ ფრონტზე გზავნის 270-ზე მეტ უკრაინულ თავდასხმის დრონს სახელწოდებით – Vampire.
ფედოროვის თქმით, ეს უკრაინული წარმოების დრონებია, რომელთაც შეუძლიათ 15 კილოგრამამდე ტვირთის გადატანა. უკრაინელები ამ დრონებს გამოიყენებენ როგორც ჯავშანტექნიკის, ასევე ტანკებისა და საბრძოლო მასალის საწყობების გასანადგურებლად.
დრონები აღჭურვილია თერმული ხედვის კამერებით, ასევე მათ შეუძლიათ ღამე მუშაობაც.
„უკრაინის თავდაცვის ძალების ნადირობა ოკუპანტებზე კიდევ უფრო ეფექტური გახდება“ – თქვა ფედოროვმა.
„დრონების არმია“ უკრაინის მთავრობის პროგრამაა, რომლითაც ქვეყანა პროფესიონალური უპილოტო საფრენი აპარატის მობილიზებას ცდილობს უკრაინის საჰაერო ძალებისთვის.
ამავე თემაზე:
რას ჰყვება ბაირაქტარის პილოტი, რომელმაც კიევზე მტრის შეტევა შეაჩერა
