მუნიციპალიტეტების მიერ უკვე განსაზღვრულია იმ შენობა-ნაგებობებისა და ადგილების ჩამონათვალი, რომლებზეც აკრძალულია/დაშვებულია საარჩევნო სააგიტაციო მასალების განთავსება და საჯარო ღონისძიებების ორგანიზება/ჩატარება.
აჭარის უმაღლესი საარჩევნო კომისიის [უსკო] მიერ გამოქვეყნდა აჭარის 5 მუნიციპალიტეტის – ბათუმის, ხელვჩაურის, ქედის, შუახევისა [ბმული 1 და 2] და ხულოს მიერ მიღებული შესაბამისი დადგენილებები, თუმცა არ არის გამოქვეყნებული ქობულეთის მუნიციპალიტეტის მიერ მიღებული დადგენილება.
უსკოში „ბათუმელებს“ უთხრეს, რომ დოკუმენტს მიღებისთანავე გამოაქვეყნებენ.
ქობულეთის საკრებულოს პრესსამსახურის ინფორმაციით, შესაბამისი დადგენილება მიღებულია და ის ცესკოშიც არის გადაგზავნილი. ქობულეთის მონაცემები კი ამ დროისთვის არც ცესკოს აქვს გამოქვეყნებული.
[შენიშვნა: ქობულეთის საკრებულოს დადგენილება უსკომ გამოაქვეყნა]
აჭარის უმაღლესი საარჩევნო კომისიის მონაცემებით, აჭარის ავტონომიური რესპუბლიკის უმაღლესი საბჭოს 2016 წლის 8 ოქტომბრის არჩევნებისათვის მაჟორიტარულ საარჩევნო ოლქებში ამომრჩეველთა საერთო რაოდენობაა – 306 091 ამომრჩეველი.
