2022 წელს საქართველოში 149 118 ადამიანი გარდაიცვალა, რაც 10 788 ერთეულით (18.0%) ნაკლებია 2021 წლის მაჩვენებელზე – ინფორმაციას სტატისტიკის ეროვნული სამსახური აქვეყნებს.
საქსტატის ცნობით, გარდაცვალების მიზეზებს შორის ჭარბობს სისხლის მიმოქცევის სისტემის დაავადებები [35.9%] და სიმსივნეები [9.2 პროცენტი].
სტატისტიკის თანახმად, 2022 წელს, 2021 წელთან შედარებით, იკლო სიმსივნეებით გარდაცვლილთა რიცხვმა. 2021 წელს სიმსივნით საქართველოში 7 641 ადამიანი გარდაიცვალა, 2022 წელს კი – 4 530.
2021 წელთან შედარებით 2022 წელს გარდაცვალების მაჩვენებლის კლება დაკავშირებულია კორონავირუსის პანდემიასთან. 2021 წელს კოვიდის დიაგნოზით საქართველოში 11 286 ადამიანი გარდაიცვალა, 2022 წელს კი – 2 632.
„5 წლამდე ასაკის გარდაცვლილ ბავშვებში დომინირებს პერინატალურ პერიოდში აღმოცენებული დარღვევები.
5-39 წლის ასაკში ჭარბობს ტრავმები, მოწამვლები და გარეგანი მიზეზების ზემოქმედების სხვადასხვა შედეგები, რადგან აღნიშნული ასაკობრივი ჯგუფისათვის შედარებით მაღალია უბედური შემთხვევების ალბათობა, ხოლო 40 წლისა და უფროსი ასაკის მოსახლეობაში გარდაცვალების მიზეზებს შორის 2022 წელს დომინირებს სისხლის მიმოქცევის სისტემის ავადმყოფობები და სიმსივნეები“ – წერს საქსტატი.
