2022 წლის ზაფხულიდან რუსეთმა სევასტოპოლში, შავი ზღვის ფლოტის მთავარი ბაზის უსაფრთხოების მნიშვნელოვან გაუმჯობესებაში ინვესტიცია ჩადო – წერს დიდი ბრიტანეთის თავდაცვის სამინისტროს დაზვერვა დღეს, 23 ივნისს, ყოველდღიურ მოკლე ცნობებში რუსეთ-უკრაინის ომის შესახებ.
დაზვერვის ცნობით, ეს მოიცავს ბადეების მინიმუმ ოთხ ფენას და ბარიერებს სევასტოპოლის ნავსადგურის შესასვლელთან. ბოლო კვირების განმავლობაში, დიდი ალბათობით, ეს თავდაცვა ასევე გაძლიერდა გაწვრთნილი ზღვის ძუძუმწოვრების რაოდენობის გაზრდით, სავარაუდოდ, საუბარია დელფინებზე.
„გამოსახულება გვიჩვენებს ნავსადგურში მცურავი ძუძუმწოვრებისთვის განკუთვნილი გალიების თითქმის გაორმაგებას, სადაც, სავარაუდოდ, იმყოფებიან აფალინები [შავ ზღვაში გარცველებული დელფინები].
არქტიკულ წყლებში საზღვაო ფლოტი ასევე იყენებს ბელუგებსა და სელაპებს. რუსეთს მომზადებული ჰყავს გაწვრთნილი ცხოველები სხვადასხვა მისიისთვის, მაგრამ ისინი, რომლებიც შეიყვანეს სევასტოპოლის ნავსადგურში, დიდი ალბათობით, გამიზნულია მტრის მყვინთავებთან დასაპირისპირებლად“ – წერს დიდი ბრიტანეთის დაზვერვა და ანგარიშს თან ურთავს ფოტომასალას.
ფოტო: twitter
