დიდი ბრიტანეთის თავდაცვის სამინისტროს დაზვერვა დღეს, 12 ივნისს, ტვიტერზე წერს, რომ რუსეთის თავდაცვის მინისტრი სერგეი შოიგუ ცდილობს შეინარჩუნოს პოზიტიური იმიჯი მზარდი კრიტიკის ფონზე.
„შოიგუმ სულ მცირე ორი კომენტარი გააკეთა რუსეთის თავდაცვითი ოპერაციების შესახებ და ასევე, აშკარად გაზვიადებული განცხადება გააკეთა უკრაინის დანაკარგებთან დაკავშირებით. ეს განსხვავდება ომის სხვა მომენტებისგან, როცა შოიგუ ქრებოდა საჯარო სივრცეებიდან“ – წერს დაზვერვა.
ასევე, დაზვერვა აღნიშნავს, რომ შოიგუმ მოუწოდა რუსეთის თავდაცვის ინდუსტრიას, გააორმაგოს ძალისხმევა და გააკრიტიკა დასავლეთის სამხედრო ოლქის ოფიცრები იმის გამო, რომ სარეზერვო ჯავშანტექნიკა ფრონტზე საკმარისად სწრაფად არ გაგზავნეს.
„შოუგუ, სავარაუდოდ, აცნობიერებს პოზიტიური იმიჯის შენარჩუნების აუცილებლობას ზოგიერთი მისი თანამემამულის სულ უფრო ღია კრიტიკის ფონზე“ – წერს დაზვერვა.
ამავე თემაზე:
პრიგოჟინმა შოიგუსა და გერასიმოვს აგინა: ის საბრძოლო მასალების 70%-იან დეფიციტზე წუხს
