„ხელოვნური განაყოფიერების წარსული და მომავალი“- ამ თემაზე ბათუმში საჯარო ლექციას წაიკითხავს მედიცინის დოქტორი ელენა მილნერი, ემბრიოლოგი ისრაელიდან.
საჯარო ლექციაზე განიხილება ისეთი საკითხები, როგორიცაა: გადადებული მშობლობა, კვერცხუჯრედის და ემბრიონის გაყინვის ტენდენციები, რამდენად ხდება ინ-ვიტრო განაყოფიერება როცა საჭიროება არ არსებობს და რა გველოდება მომავალში.
პრესრელიზის თანახმად, დოქტორი ელენა მილნერი ინოვაციური სამედიცინო კლინიკა BIRTH-ის მოწვეული ემბრიოლოგია ისრაელიდან, ის ხელოვნური განაყოფიერების მიმართულებით ათეულობით წლებია მუშაობს, არის ისრაელის IVF ლაბორატორიის დირექტორი, აკრედიტებულია ისრაელის ჯანდაცვის სამინისტროს უფროსი კლინიკური ემბრიოლოგის თანამდებობაზე; ასევე აკრედიტებულია უფროს კლინიკურ ემბრიოლოგად ESHRE-ს – ევროპული ადამიანის რეპროდუქციისა და ემბრიოლოგიის საზოგადოების მიერ.
ბათუმში საჯარო ლექცია 2023 წლის 10 ივნისს გაიმართება ბაუ-ს საერთაშორისო უნივერსიტეტში. დარეგისტრირებული მსმენელისთვის დასწრება უფასოა.
საჯარო ლექციაზე დასასწრებად უნდა დარეგისტრირდეთ ამ ბმულზე.
