უკრაინის შეიარაღებული ძალების მთავარსარდალმა, ვალერი ზალუჟნიმ გაავრცელა ვიდეო უკრაინელ სამხედროებთან, რომლებიც ითხოვენ „გადამწყვეტი შეტევის დალოცვას“.
„მოვიდა საკუთარის უკან დაბრუნების დრო“ – ამ წარწერით გამოაქვეყნა აღნიშნული ვიდეორგოლი ზალუჟნიმ ტელეგრამზე.
ვიდეოს აღწერაში აღნიშნულია, რომ ავტორები შთაგონებული იყვნენ უკრაინელი ნაციონალისტის ლოცვით, რომელიც ოსიპ მაშჩაკმა 1920-იან წლებში დაწერა, მაგრამ ტექსტი განსხვავებულია.
„დაე, ჩემი ხელი მტკიცე იყოს, მტრების მოსაკლავად! დაე, ჩემი თვალი მახვილი იყოს, მტრების მოსაკლავად! დაე, ჩემი იარაღი იყოს ნამდვილი, მტრების მოსაკლავად“ – ისმის ვიდეოს ტექსტში.
„ასეთი სიტყვებით და ფიქრებით ჩვენი გმირი მეომრები მიდიან შეტევაზე, რათა გაათავისუფლონ უკრაინა რუსი დამპყრობლებისგან და აღმართონ გამარჯვების დროშა“ – წერს ზალუჟნი ფეისბუქზე.
უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა გუშინ, 26 მაისს, „ბიბისისთან“ განაცხადა, რომ უკრაინის არმია მზად არის დიდი ხნის ნანატრი კონტრშეტევა განსახორციელებლად. მან არ დაასახელა თარიღი, მაგრამ თქვა, რომ შეტევა შეიძლება დაიწყოს “ხვალ, ზეგ ან ერთ კვირაში”.
