ევროკავშირის უმაღლესი წარმომადგენელი ჯოზეფ ბორელი იმედოვნებს, რომ უკრაინისთვის ავიაგამანადგურებლების, F-16-ების მიწოდება მალე დაიწყება – წერს უკრაინული მედია.
„ევროპეისკაია პრავდას“ ცნობით, ამის შესახებ ბორელმა ბრიუსელში, ევროკავშირის საგარეო საქმეთა მინისტრთა საბჭოს სხდომის დაწყებამდე განაცხადა.
„პილოტების მომზადება უკვე დაწყებულია და იმედი მაქვს, რომ მალე ჩვენ შევძლებთ უკრაინას ეს იარაღი [F-16] მივაწოდოთ“, – ციტირებს უკრაინული მედია ბორელის.
გასულ კვირას დიდმა ბრიტანეთმა განაცხადა, რომ კოალიცია, რომელშიც უკვე შედიან: დიდი ბრიტანეთი, ნიდერლანდები, ბელგია, დანია, შეერთებული შტატები და პორტუგალია, მიზნად ისახავს უკრაინელი მფრინავების მომზადებას მეოთხე თაობის გამანადგურებლებისთვის, მათ შორის F-16-ისთვის.
თეთრმა სახლმა ასევე დაადასტურა, რომ უახლოეს თვეებში შეერთებული შტატები და მოკავშირეები განიხილავენ, როდის და რა რაოდენობით მიიღებს უკრაინა თანამედროვე მებრძოლებს.
____________
ფოტოზე: F-16. ფოტო: ვიკიპედია
