„რუსეთი, დიდი ალბათობით, ქმნის ახალ „ელიტარულ“ საავიაციო თავდასხმის ჯგუფს, სახელწოდებით „შტორმი“, უკრაინის თავზე ოპერირების მიზნით. ქვედანაყოფი, სავარაუდოდ, შედგენილი იქნება Су-24-ების, Су-34-ისა და თავდასხმითი შვეულმფრენების ესკადრილიისგან“ – დაწერა დღეს, 22 მაისს, დიდი ბრიტანეთის დაზვერვამ რუსეთ-უკრაინის ომის ყოველდღიურ მოკლე მიმოხილვაში.
უწყება წერს, რომ მსგავსი შემადგენლობის ჯგუფს სავარაუდოდ ექნება მთავარი როლი უკრაინაზე საჰაერო თავდასხმისას.
რუსულ მედიაში გავრცელებული ცნობების მიხედვით, დაზვერვა წერს, რომ რუსეთის თავდაცვის სამინისტროს მიზანია მიიზიდოს მაღალკვალიფიციური და მოტივირებული მფრინავები დიდი ანაზღაურების სანაცვლოდ და პენსიაზე გასული მფრინავების გაწვევით.
დაზვერვის სპეციალისტები მიიჩნევენ, რომ მსგავსი დაჯგუფების შექმნა იმაზე მეტყველებს, რომ რუსული საჰაერო ძალები ვერ ასრულებენ ძირითად ამოცანებს – თავდასხმას უკრაინის პოზიციებზე.
______________
ფოტოზე: Су-24. ფოტო: ვიკიპედია
