ბათუმში TBC ბანკის ოფისში, კრედიტოფიცერი დაჭრეს

დღეს, 16 მაისს, ბათუმში, ჭავჭავაძის ქუჩაზე, TBC ბანკის ცენტრალურ ფილიალში კაცი დაჭრეს.

„მთავარი არხის“ ინფორმაციით, დაჭრილი TBC ბანკის თანამშრომელია.

„ბათუმელებს“ ადგილზე მყოფმა პირებმა უთხრეს, რომ კაცი დანით დაჭრეს. უცნობია ინფორმაცია დაჭრილის ჯანმრთელობის მდგომარეობის შესახებ.

ადგილზე მუშაობენ სამართალდამცველები.

განახლება: შსს-ს პრესცენტრის ინფორმაციით, შემთხვევის ადგილზე პოლიციელებმა ერთი კაცი დააკავეს. გამოძიება დაწყებულია სისხლის სამართლის კოდექსის 19-108 მუხლით, რაც განზრახ მკვლელობის მცდელობას გულისხმობს.