დიდი ბრიტანეთის თავდაცვის სამინისტროს დაზვერვა დღეს, 16 მაისს, რუსეთ-უკრაინის ომის ყოველდღიურ მიმოხილვაში წერს, რომ ბოლო ოთხი დღის განმავლობაში უკრაინის თავდაცვის ძალებმა ბახმუტის რაიონში ტაქტიკურ წარმატებას მიაღწიეს.
ბრიტანული დაზვერვის ცნობით, მიუხედავად იმისა, რომ „ვაგნერი“ აგრძელებს წინსვლას ბახმუტის ცენტრში, უკრაინელმა სამხედროებმა შეძლეს ფლანგების სტაბილიზაცია.
უწყების ცნობით, ქალაქიდან სამხრეთით გადაადგილების გარდა, უკრაინის შეტევებმა შეავიწროვა რუსეთის ფრონტის ხაზი ქალაქის ჩრდილო-დასავლეთით, რაც სავარაუდოდ, საშუალებას მისცემს უკრაინულ ძალებს, აღადგინონ მომარაგების უფრო უსაფრთხო მარშრუტი.
„უკრაინა აკავებს რუსული ჯარების წინსვლას დასავლეთისკენ სევერსკი დონეც-დონბასის არხის გასწვრივ, აქცევს რა წყლის არხს დაბრკოლებად ქალაქ ჩასოვ იარის ირგვლივ“, – ნათქვამია უწყების მოკლე მიმოხილვაში.
___________
ფოტო: უკრაინის თავდაცვის სამინისტრო
