2023 წლის პირველ კვარტალში საქართველოში ოჯახში ძალადობის 1031 შემთხვევა დარეგისტრირდა ოფიციალურად. ასეთია შს სამინისტროს ოფიციალური სტატისტიკა.
გასული წლის ამავე პერიოდთან შედარებით, წელს ოჯახში ძალადობის სტატისტიკა 8,87 პროცენტით გაიზარდა.
შს სამინისტროს ინფორმაციით, 1031 შემთხვევიდან 851, ანუ 82 პროცენტზე მეტი გახსნილია.
ოჯახში ძალადობის ფაქტებზე გამოცემული შემაკავებელი ორდერების შესახებ შს სამინისტროს პირველი სამი თვის სტატისტიკური ინფორმაცია წელს არ გამოუქვეყნებია.
გასულ, 2022 წელს, საქართველოში ოჯახში ძალადობის 4106 შემთხვევა დადასტურდა. გასულ წელს ოჯახში ძალადობის ფაქტზე 8748 შემაკავებელი ორდერი გამოიცა.
