22 აპრილს ბათუმი-ახალციხის მაგისტრალი დღის განმავლობაში პერიოდულად ჩაიკეტება და ავტოტრანსპორტის მოძრაობა ადგილობრივ გზებზე გადაერთვება.
- ავტომაგისტრალის კმ67-კმ68 მონაკვეთზე, 2023 წლის 22 აპრილს, 11:00 სთ-დან 13:00 სთ-მდე და 15:00 სთ-დან 17:00 სთ-მდე მოძრაობა შეიზღუდება 45 წუთიდან 1 საათამდე ინტერვალებით.
აღნიშნულ პერიოდში ავტოტრანსპორტი იმოძრავებს შემოვლითი გზით. კერძოდ, შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის კმ65+720-დან (სოფ. გომარდულის ასახვევი) კმ67+920-მდე (სოფ. ჩანჩხალო) გამავალი ადგილობრივი მნიშვნელობის საავტომობილო გზების გამოყენებით.
ბათუმი-ახალციხის ავტომაგისტრალი / შუახევის მუნიციპალიტეტის ტერიტორია / ფოტო: 20.04.2023
„საქართველოს საავტომობილო გზების დეპარტამენტთან გაფორმებული ხელშეკრულების საფუძველზე, შპს „გზა“ აწარმოებს შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის კმ59-კმ68 მონაკვეთის დარჩენილ სარეაბილიტაციო სამუშაოებს.“ – აცხადებს დეპარტამენტი. გზის პერიოდული ჩაკეტვა კი ამ სამუშაოებს უკავშირდება.
ბათუმი-ახალციხის ავტომაგისტრალი / შუახევის მუნიციპალიტეტის ტერიტორია / ფოტო: 20.04.2023
გზის აღნიშნული მონაკვეთი პრობლემური იყო 2022 წელსაც.
ნახეთ მასალა „ბათუმელების“ არქივიდან:
