მრავალსართულიანი სახლების ეზოებისთვის ატრაქციონების შეძენა-მონტაჟსა და რეაბილიტაციაზე ტენდერი ბათუმის მერიის სამმართველომ ხელახლა გამოაცხადა. ახალ ტენდერში შემცირებულია ეზოების რაოდენობაც და სატენდერო თანხაც.
როგორც დოკუმენტებიდან ირკვევა, სამმართველომ 2-მილიონიანი ტენდერი ისე გამოაცხადა, რომ არც მისამართები ჰქონდა დაზუსტებული და არც შესასრულებელი სამუშაოების ჩამონათვალი.
- ბათუმის მერიის საქალაქო ინფრასტრუქტურისა და კეთილმოწყობის სამმართველოს წინა ტენდერი 2 მილიონ 30 ათასი ლარით ჰქონდა გამოცხადებული, რომლის ფარგლებშიც ატრაქციონები 38 ეზოში უნდა მოეწყოთ.
- ხელახალ ტენდერში კი, 36 ეზოა მითითებული, ხოლო შესყიდვის სავარაუდო ღირებულება, ჯამში 1 957 254 ლარია.
„ტენდერში, რომლის სატატუსია „შერჩევა-შეფასება“, სატენდერო მოდულის პირობების გადამოწმებისას, დაფიქსირდა ტექნიკური ხარვეზები [სხვადასხვა გარემოებებიდან გამომდინარე საპროექტო მისამართები საჭიროებს დაზუსტებას. ასევე საპროექტო-სახარჯთაღრიცხვო დოკუმენტაციაში დასამატებელია სხვადასხვა სამუშაოები], რომელიც ხელშეკრულების დადების შემდეგ ვერ აღმოიფხვრება, რადგანაც მკვეთრად ცვლის სატენდერო პირობებს“ – აღნიშნულია წინა ტენდერის შეწყვეტის ოქმში.
ზემოთ აღნიშნულიდან გამომდინარე სამმართველომ ტენდერი შეწყვიტა და ხელახლა გამოაცხადა, სადაც წინადადებების მიღება 2023 წლის 3 მაისს დაიწყება და 5 მაისს დასრულდება.
წინა ტენდერისგან განსხვავებით, ახალში ორი მისამართია ამოღებული: აბუსერიძის 16 და ტაბიძის 40[ძვ.8].
ატრაქციონების შეძენა-მონტაჟისა თუ რეაბილიტაციის ვადები ახალ ტენდერში არ შეცვლილა. სამუშაოები ყველა მისამართზე ხელშეკრულების დადებიდან 2023 წლის 10 დეკემბრის ჩათვლით პერიოდში უნდა დასრულდეს.
ახალი მისამართები და თითოეულ მისამართზე ატრაქციონის მოწყობის მაქსიმალური ფასები ნახეთ ცხრილში:
მისამართები ბათუმში სადაც ატრაქციონების მოწყობა/რეაბილიტაცია იგეგმება / წყარო: ხელახალი ტენდერი
დეტალები წინა ტენდერის შესახებ, რომელიც მერიის სამმართველომ შეწყვიტა, ნახეთ ამ ბმულზე:
2 მილიონი ლარი ატრაქციონების მონტაჟისა და რემონტისთვის ბათუმში – ნახეთ მისამართები
