რას ნიშნავს გონივრული ინვესტიცია?
ამ კითხვას შესაძლოა უამრავი პასუხი მოვუძებნოთ, თაუერ ჯგუფი კი ცდილობს, რომ ეს პასუხები ერთ პროექტში გააერთიანოს და შექმნას ქართველი თუ უცხოელი ინვესტორებისათვის მიმზიდველი საინვესტიციო სივრცე – „პანორამა“.
პროექტი „პანორამა“ წარმოადგენს 40 სართულიან მულტიფუნქციურ კომპლექსს შავი ზღვის სანაპიროს პირველ ზოლში, სადაც განთავსდება როგორც პრემიუმ ხარისხის საინვესტიციო აპარტამენტები, ასევე 5 ვარსკვლავიანი სასტუმრო და საზოგადოებრივი დანიშნულების სივრცე.
გაზეთ ბათუმელების მკითხველებს უკვე გავაცანით პროექტი და მისი ერთ-ერთი უპირატესობა – ჭკვიანი სახლის სისტემა, დღეს კი გაგაცნობთ ინფორმაციას ჩვენს სფეროში ერთ-ერთი ყველაზე პრესტიჟული კონკურსის, „International Property Awards“-ისა და ამ კონკურსში ჩვენი პროექტის, “პანორამა” მონაწილეობის შესახებ.
კონკურსის ისტორია 1993 წელს, ევროპის კონტინენტზე დაიწყო. საწყის წლებში სულ 10 კატეგორიის ჯილდო გაიცემოდა, მიზანი კი მსოფლიოს გარშემო მიმდინარე თუ უკვე დასრულებული გამორჩეული პროექტების აღმოჩენა იყო. დროთა განმავლობაში კონკურსი განვითარდა, გაფართოვდა, დღეს კი უკვე 4 სხვადასვა სეგმენტში (დეველოპმენტი, ინტერიერის დიზაინი, არქიტექტურა, უძრავი ქონება) და უამრავ ნომინაციაში გასცემს ჯილდოებს. მიზანი იგივეა – აღმოვაჩინოთ გამორჩეული პროექტები, რითიც დავეხმარებით როგორც ბიზნესის სექტორებს, ასევე მომხმარებლებს, რომლებისთვისაც მნიშვნელოვანია დეტალები.
1993 წლის შემდეგ უკვე 30 წელი გავიდა, კონკურსი კი ყოველ წელს უფრო და უფრო პრესტიჟული ხდება, რადგან ყველაფრის უკან დგას ჟიურის ბრიტანელი წევრები, რომლებიც სხვადასვა კვალიფიკაციის ექსპერტები არიან – ისინი ზედმიწევნით ეცნობიან მონაწილე პროექტებს და უმაღლესი პროფესიონალიზმით აფასებენ მათ.
ბრიტანელი ჟიური თაუერ ჯგუფის „პანორამას“ საუკეთესო დეველოპერული პროექტის ჭრილში განიხილავს. კონკურსი საერთაშორისოა, თუმცა რეგიონალური კონტექსტი რომ არ დაიკარგოს და პროცესები უფრო სამართლიანი იყოს, ნომინაციაში „საუკეთესო დეველოპერული პროექტი“ სწორედ ჩვენი რეგიონის წარმომადგენლებთან შევდივართ კონკურენციაში.
თაუერ ჯგუფის პანორამა სიამაყითა და სრული თავდაჯერებით ერთვება მარათონში საუკეთესოს სტატუსის მოსაპოვებლად.
გაიგეთ მეტი პროექტის შესახებ: https://tg.ge/
