მთავარი,სიახლეები

იაპონია უკრაინის აღდგენისთვის თითქმის ნახევარ მილიარდ დოლარს გამოყოფს

30.03.2023 • 732
იაპონია უკრაინის აღდგენისთვის თითქმის ნახევარ მილიარდ დოლარს გამოყოფს

იაპონიის მთავრობა ჯამში 470 მილიონ აშშ დოლარს გამოყოფს უკრაინის დასახმარებლად გრანტის სახით.

შეთანხმების თანახმად, თანამშრომლობის ფარგლებში გამოყოფილი თანხა მოხმარდება უკრაინის ნაღმებისგან გაწმენდას, ძირითადი ინფრასტრუქტურის, სოფლის მეურნეობის აღდგენასა და დემოკრატიის გაძლიერებას.

იაპონია აპირებს გააგრძელოს უკრაინის ხალხის მხარდაჭერა, რომელიც სირთულეების წინაშე დგას, საერთაშორისო საზოგადოებასთან თანამშრომლობით, კერძოდ, G7-ის წევრ ქვეყნებთან ერთად.

იაპონიის პრემიერ-მინისტრი ფუმიო კიშიდა 21 მარტს, კიევში ჩავიდა უკრაინის პრეზიდენტთან, ვოლოდიმირ ზელენსკისთან შესახვედრად, რუსეთში ჩინეთის პრეზიდენტის, სი ძინპინის ვიზიტიდან მეორე დღეს.

ეს იყო იაპონიის პრემიერ-მინისტრის პირველი ვიზიტი ქვეყანაში ან რეგიონში, სადაც საომარი მოქმედება მიმდინარეობს.

რუსეთის უკრაინაზე თავდასხმიდან დღემდე ტოკიო რუსეთზე დაკისრებული სხვადასხვა სანქციით უჭერს მხარს უკრაინას.

საპასუხოდ კრემლმა იაპონიის პრემიერ-მინისტრს ფუმიო კიშიდას და იაპონიის კიდევ 62 მოქალაქეს, დეპუტატებს, მინისტრებს, ჟურნალისტებსა და უნივერსიტეტების პროფესორებს რუსეთში შესვლა სამუდამოდ აუკრძალა.

გადაბეჭდვის წესი


ასევე: