იაპონია დამატებით სანქციებს აწესებს რუსეთის წინააღმდეგ უკრაინაზე თავდასხმის გამო – ამის შესახებ პრემიერ-მინისტრმა ფუმიო კიშიდამ განაცხადა.
ტოკიო გაყინავს კიდევ რამდენიმე რუსული ბანკისა და 140-მდე ფიზიკური პირის აქტივებს იაპონიაში, ასევე, რუსეთში ექსპორტის აკრძალვა შეეხება დამატებით 70 სამხედრო ორგანიზაციას და რუსეთში აიკრძალება უახლესი ტექნოლოგიებთან დაკავშირებული საქონლის ექსპორტი, მათ შორის კვანტური კომპიუტერების.
ჯერ კიდევ აპრილის დასაწყისში იაპონია შეუერთდა ფინანსურ სანქციებს რუსეთის წინააღმდეგ და დამატებით აკრძალა იაპონიიდან რუსეთში იაპონური ძვირადღირებული მანქანების, მოტოციკლების და ალკოჰოლის ექსპორტი. რუსული ბაზარი დატოვა იაპონურმა Toyota-მ.
4 მაისს კრემლმა იაპონიის პრემიერ-მინისტრს ფუმიო კიშიდას და იაპონიის კიდევ 62 მოქალაქეს, დეპუტატებს, მინისტრებს, ჟურნალისტებსა და უნივერსიტეტების პროფესორებს რუსეთში შესვლა სამუდამოდ აუკრძალა.
