მთავარი,სიახლეები

ბათუმის მერია საბაგიროსთან, პლაჟზე 1790 კვ.მეტრ ნაკვეთს ასხვისებს

26.03.2023 • 3167
ბათუმის მერია საბაგიროსთან, პლაჟზე 1790 კვ.მეტრ ნაკვეთს ასხვისებს

ბათუმის მერია გოგებაშვილის ქუჩაზე, საბაგიროსთან, ზღვისპირას არსებული ნაკვეთის, 1790 კვ.მეტრის სარგებლობის წესით გასხვისებას გეგმავს. მერიამ მიწის ნაკვეთის საიჯარო ფასი სამხარაულის ბიუროს მიერ დადგენილი საპრივატიზებო ღირებულების შესაბამისად განსაზღვრა.

სამხარაულის დასკვნის მიხედვით, 1 კვ.მეტრის საპრივატიზებო ფასი აქ 2064 ლარია. მერიამ 1 კვ.მეტრის საიჯარო ფასიც დაადგინა – 105 ლარი.

ნაკვეთის გასხვისებასთან დაკავშირებით მერიას განკარგულების პროექტი საკრებულოში აქვს გადაგზავნილი დასამტკიცებლად.

განკარგულების განმარტებით ბარათში არაფერი წერია იმის შესახებ, მიმართა თუ არა ნაკვეთით უკვე დაინტერესებულმა პირმა მერიას.

დამკვიდრებული პრაქტიკის მიხედვით, მერიას, ისევე როგორც მთავრობას, კონკრეტული ნაკვეთები გასასხვისებლად აუქციონზე ინტერესის დაფიქსირების შემდეგ გამოაქვს.

მონიშნულია გასასხვისებელი მიწის ნაკვეთი

გადაბეჭდვის წესი


ასევე: