ხვალ, 24 მარტს, „სმარტი“ ბათუმში, ტბელ აბუსერიძის ქუჩაზე, #22ა-ში მდებარე „ვისოლის“ თვითმომსახურების სადგურზე 35-ე სუპერმარკეტს გახსნის.
„ვისოლის“ თვითმომსახურების სადგური, სადაც ლოიალობის პროგრამის ფარგლებში, ქსელთან შედარებით ჯამურად 25-30 თეთრამდე ფასდაკლების შესაძლებლობაა თითოეულ ლიტრ საწვავზე და იქვე არსებული გაზგასამართი სადგური მოგზაურობის საუკეთესო გამოცდილებას უკვე ბათუმელებს შესთავაზებს. „სმარტის“ ახალი სუპერმარკეტით კი „ვისოლის“ მომსახურების სივრცე ქალაქის ცენტრში დღეს კიდევ უფრო მიმზიდველია.
ობიექტი, სადაც 25-მდე ადგილობრივია დასაქმებული, 24/7-ზე მოემსახურება ერთგულ მომხმარებელს. „სმარტის“ სუპერმარკეტი ექსკლუზიური იმპორტული პროდუქციით, ახალგამომცხვარი პურფუნთუშეულით, „ტრუჩილოს“ იტალიური ყავით თუ გზად საჭირო სხვა პროდუქტებით, მალე ყველაზე გემრიელი თანამგზავრი გახდება.
„მოხარული ვართ, რომ „სმარტი“ განაგრძობს ქსელის განვითარებას შავიზღვისპირეთში და უკვე 4 ობიექტითაა წარმოდგენილი ურეკსა და ბათუმში. მომავალი სამი წლის განმავლობაშიც „სმარტი“ კიდევ 30-მდე ახალი ფორმატის სუპერმარკეტს გახსნის მთელი საქართველოს მასშტაბით. ქვეყანაში მოგზაური ან მცხოვრები ადამიანებისთვის, ესქკლუზიური იმპორტის თუ ადგილობრივი წარმოების პროდუქტებით, ახალგამომცხვარი საკონდიტრო ნაწარმით, უგემრიელესი სენდვიჩებით თუ „სმარტ კაფეს“ იტალიური ყავით, „სმარტი“ უკვე საყვარელი ბრენდია, რომელსაც მალე საქართველოს თითქმის ყველა კუთხეში ვიხილავთ“, – აცხადებს „ვისოლისა“ და „სმარტის“ გენერალური დირექტორი ვასილ ხორავა.
„სმარტი“ ქსელის განვითარებას საწყის ეტაპზე შერჩეულ ფორმატში, „ვისოლის“ ავტოგასამართ სადგურებსა და ცენტრალურ ავტომაგისტრალზე „ვისოლ ჯგუფის“ დასვენებისა და მომსახურების ცენტრებში განაგრძობს. გასულ თვეში „სმარტმა“ მეორე სუპერმარკეტი გახსნა ქუთაისის საერთაშორისო აეროპორტში და ახლა უკვე საერთაშორისო მოგზაურებისთვისაც შექმნა მოგზაურობის კომფორტი.
„ვისოლ ჯგუფმა“ „სმარტის“ ქსელის განვითარება 2010 წელს დაიწყო.
