მთავარი,სიახლეები

სლოვაკეთი უკრაინას 13 ავიაგამანადგურებელს, MiG-29-ს გადასცემს

17.03.2023 • 964
სლოვაკეთი უკრაინას 13 ავიაგამანადგურებელს, MiG-29-ს გადასცემს

დღეს, 17 მარტს, სლოვაკეთის პრემიერ-მინისტრმა ედუარდ ჰეგერმა ტვიტერზე დაწერა, რომ სლოვაკეთის მთავრობამ  უკრაინისთვის 13 ავიაგამანადგურებლის, MiG-29ის გადაცემის გადაწყვეტილება მიიღო.

„სლოვაკეთის მთავრობამ ახლახან დაამტკიცა 13 MiG-29 გამანადგურებლის გაგზავნა უკრაინაში! დაპირებები უნდა შესრულდეს და როდესაც უკრაინის პრეზიდენტმა ვოლოდიმირ ზელენსკიმ ითხოვა მეტი იარაღი, მათ შორის, მოიერიშე თვითმფრინავები, მე ვთქვი, რომ ყველაფერს გავაკეთებთ. მიხარია, რომ სხვებიც იმავეს აკეთებენ“, – წერს პრემიერ-მინისტრი.

მანამდე ცნობილი გახდა, რომ პოლონეთი უკრაინას Mig-29 ტიპის საბრძოლო თვითმფრინავებს გაუგზავნის. ქვეყნის პრეზიდენტის, ანჟეი დუდას თქმით, კიევი საბჭოთა წარმოების ოთხ თვითმფრინავს უახლოეს დღეებში მიიღებს, დანარჩენს კი – მომავალში.

რუსეთის თავდასხმის ქვეშ მყოფი უკრაინისთვის საბჭოთა წარმოების თვითმფრინავების მიწოდებას, რომელთა მართვაშიც უკრაინელი პილოტები გაწვრთნილნი არიან, ნატოს წევრი სხვა ქვეყნებიც განიხილავენ.

უკრაინას დასავლური ქვეყნებისგან არაერთხელ უთხოვია თანამედროვე თვითმფრინავების, მათ შორის, F-16-ების მიწოდება.

________________

ფოტოზე: MiG-29. ფოტო: ვიკიპედია

გადაბეჭდვის წესი


ასევე: