თურქეთის პროვინციებში, შანლიურფასა და ადიიამანში წყალდიდობის შედეგად დაღუპულთა რიცხვი 15-მდე გაიზარდა.
თურქული მედიის ცნობით, წყალდიდობა, რომელიც ამ რეგიონებს 6 თებერვლის გამანადგურებელი მიწისძვრიდან დაახლოებით 40 დღის შემდეგ დაატყდა თავს, ბოლო 65 წლის განმავლობაში ყველაზე დამანგრეველი აღმოჩნდა.
წყალდიდობის შედეგად დაიტბორა ქუჩები და საავადმყოფოები, დაინგრა ორ რაიონს შორის მდებარე ავტომაგისტრალი.
მანამდე თურქეთის სახელმწიფო მეტეოროლოგიურმა სამსახურმა (TSMS) გამოაქვეყნა 14-20 მარტის ამინდის პროგნოზი და გაავრცელა ე.წ. „ნარინჯისფერი კოდი“ – გაფრთხილება მოსალოდნელი სტიქიის შესახებ თურქეთის სამხრეთ-აღმოსავლეთ რეგიონში, რომელიც თებერვალში ძლიერმა მიწისძვრამ დააზარალა.
_____________
ფოტოზე: ქალაქი შანლიურფა წყალდიდობის შემდეგ. ფოტო: sozcu.com.tr
