14 მარტს, ღამით, ძლიერი წვიმის შდეგად თურქეთის სამხრეთ-აღმოსავლეთ რეგიონში, ადიამანის პროვინციაში, დაიტბორა სახლები და საავადმყოფოები.
თურქული მედიის ცნობით, 15 მარტის მონაცემებით, წყალდიდობის შედეგად სულ მცირე 5 ადამიანი დაიღუპა, რამდენიმე პირი დაკარგულად მიიჩნევა, მათ შორის, ორი მაშველია. ათასობით მოქალაქე უსახლკაროდ დარჩა.
ძლიერი წვიმის შედეგად პროვინციაში მდინარე ადიდდა, რასაც შენობების დატბორვა მოჰყვა.
რეგიონში მაშველები მუშაობენ.
მანამდე თურქეთის სახელმწიფო მეტეოროლოგიურმა სამსახურმა (TSMS) გამოაქვეყნა 14-20 მარტის ამინდის პროგნოზი და გაავრცელა ე.წ. „ნარინჯისფერი კოდი“ – გაფრთხილება მოსალოდნელი სტიქიის შესახებ თურქეთის სამხრეთ-აღმოსავლეთ რეგიონში, რომელიც თებერვალში ძლიერმა მიწისძვრამ დააზარალა.
_____________________
ფოტო: Twitter
