საქართველოს პარლამენტთან მიმდინარე აქციაზე შსს-მ 4 პირი დააკავა.
შს სამინისტროს პრესცენტრის ინფორმაციით, აქციის მონაწილეები ადმინისტრაციული წესით დააკავეს წვრილმანი ხულიგნობის [166] და პოლიციელის კანონიერი მოთხოვნის დაუმორჩილებლობის [173] მუხლებით.
აქციის მონაწილეები რუსული კანონის განხილვას აპროტესტებდნენ პარლამენტში.
- რა ხდება?
დღეს, 2 მარტს, პარლამენტში საგარეო ურთიერთობათა და თავდაცვის კომიტეტების გაერთიანებული სხდომა ჩატარდა, სადაც რუსული კანონპროექტი განიხილეს.
სხდომა თითქმის საათ-ნახევრიანი დაგვიანებით დაიწყო და მას წინ უსწრებდა მედიებისა და არასამთავრობო ორგანიზაციების პროტესტი. პროტესტში მონაწილეობა მიიღეს ოპოზიციონერმა დეპუტატებმაც, რაც მმართველი გუნდის წევრებისა და ოპოზიციონერებს ფიზიკურ შეხლა-შემოხლაში გადაიზარდა.
კანონპროექტების განხილვას დარბაზს გარეთ და ასევე ქუჩაში აპროტესტებდნენ იმ მედიისა და არასამთავრობოების წარმომადგენლები, რომლებსაც კანონპროექტები პირდაპირ ეხებათ, თუმცა განხილვაში მონაწილეობის საშუალებას არ აძლევენ.
