თურქეთში, რიზეს რეჯეპ თაიპ ერდოღანის უნივერსიტეტში სტუდენტები ქართული ენისა და ლიტერატურის შესწავლას შეძლებენ.
შესაბამის პროგრამას აკრედიტაცია თურქეთის უმაღლესი განათლების საბჭომ 24 თებერვალს მიანიჭა. ინფორმაციას ამის შესახებ ტრაპიზონში საქართველოს საკონსულო ავრცელებს.
„მოხარულები ვართ, გაცნობოთ, რომ ტრაპიზონში საქართველოს გენერალური საკონსულოს მხარდაჭერითა და ჩართულობით, თურქეთის უმაღლესი განათლების საბჭომ (YÖK) 24 თებერვალს აკრედიტაცია მიანიჭა რიზეს რეჯეპ თაიპ ერდოღანის უნივერსიტეტის ჰუმანიტარულ მეცნიერებათა ფაკულტეტის ქართული ენისა და ლიტერატურის სასწავლო პროგრამას,“- ნათქვამია საკონსულოს მიერ გავრცელებულ განცხადებაში.
საკონსულო აღნიშნავს, რომ რიზეს უნივერსიტეტის ქართული ენისა და ლიტერატურის სასწავლო პროგრამა თურქეთის რესპუბლიკაში პირველი სასწავლო პროგრამაა, რომელმაც სასწავლო პროგრამების შეფასებისა და აკრედიტაციის ასოციაციაში (FEDEK) აკრედიტაციის მოპოვება შეძლო
