18 თებერვლის მონაცემებით, თურქეთის სამხრეთით 6 თებერვალს მომხდარ ორ ძლიერ მიწისძვრას 40 642 ადამიანის სიცოცხლე ემსხვერპლა.
ეს არ არის საბოლოო რიცხვი, რადგან სტიქიის ზონაში მაშველები დღესაც მუშაობენ.
სტიქიურ უბედურებებთან და საგანგებო სიტუაციებთან ბრძოლის ოფისის (AFAD) ხელმძღვანელმა დღეს, ანკარაში გამართულ ბრიფინგზე განაცხადა, რომ სტიქიის ზონაში სამძებრო-სამაშველო სამუშაოების დასრულება კვირას, 19 თებერვალს იგეგმება.
6 თებერვალს 7,7 და 7,6 მაგნიტუდის მიწისძვრებმა, რომელთა ეპიცენტრიც იყო კაჰრამანმარას პროვინციაში, უდიდესი ნგრევა და მსხვერპლი გამოიწვია.
ოფიციალური ინფორმაციით, დღეის მდგომარეობით ადგილზე 13 ათასამდე მაშველი მუშაობს.
