აჭარის ჯანდაცვის სამინისტროს მიერ ორგანიზებულ უფასო სამედიცინო აქციების ფარგლებში, მორიგი აქცია დღეს, ქედის მუნიციპალიტეტის დანდალოს თემში ჩატარდება.
ადგილობრივებს სამედიცინო მომსახურებას ბათუმის N1 პოლიკლინიკის ექიმები გაუწევენ.
აჭარის ჯანდაცვის სამინისტროს ცნობით, სამედიცინო ბრიგადა დაკომპლექტებულია: ლარინგოლოგით, ოფთალმოლოგით, უროლოგით, პედიატრით, ფტიზიატრით, კარდიოლოგით, ალერგოლოგით, ენდოკრინოლოგითა და ექოსკოპისტით. ისინი მოსახლეობას სხვადასხვა კვლევებს ჩაუტარებენ.
